Tumhari haan pe wohi sardion ka mausam hay!

 

بقول ابن انشا ؎

 بقول ابن انشا ؎

حق اچھا پر اس کے لئے کوئی اور مرے تو اور اچھا

تم بھی کوئی منصور ہو جو سولی پہ چڑھو، خاموش رہو

بزم ناز

مَیں نے کہا کہ ,بزمِ ناز چاہیے غیر سے تِہی

سُن کے، ستم ظریف نے مجھ کو اُٹھا دیا کہ "یوں"

مجھ سے کہا جو یار نے جاتے ہیں ہوش کس طرح؟

دیکھ کے میری بیخودی، چلنے لگی ہوا کہ، یوں

یوں چار دن کی بہاروں کے قرض اتارے گئے... تمہارے بعد کے موسم فقط گزارے گئے...

 یوں چار دن کی بہاروں کے قرض اتارے گئے...

تمہارے بعد کے موسم فقط گزارے گئے...

میں خیال ہوں کسی اورکا مجھےسوچتاکوئی اورہے

میں خیال ہوں کسی اورکا مجھےسوچتاکوئی اورہے سرآئینہ مراعکس ہے پس ِ آئینہ کوئی اورہے عجب اعتباروبے اعتباری کےدرمیان ہے زندگی میں قریب ہوں کسی اورکے، مجھےجانتاکوئی اورہے تجھےدشمنوں کی خبرنہ تھی،مجھےدوستوں کاپتہ نہ تھا تری داستاں کوئی اورتھی،مراواقعہ کوئی اورہے

Khush pia waseen shala - خوش پیا وسیں شالا

 

زبان ہند ہے اردو تو ماتھے کی شکن کیوں ہے

 

وطن میں بے وطن کیوں ہے

مری مظلوم اردو تیری سانسوں میں گھٹن کیوں ہے

تیرا لہجہ مہکتا ہے تو لفظوں میں تھکن کیوں ہے

اگر تو پھول ہے تو پھول میں اتنی چبھن کیوں ہے

وطن میں بے وطن کیوں ہے

یہ نانکؔ کی یہ خسروؔ کی دیاشنکرؔ کی بولی ہے

یہ دیوالی یہ بیساکھی یہ عید الفطر ہولی ہے

مگر یہ دل کی دھڑکن آج کل دل کی جلن کیوں ہے

وطن میں بے وطن کیوں ہے

یہ نازوں کی پلی تھی میرؔ کے غالبؔ کے آنگن میں

جو سورج بن کے چمکی تھی کبھی محلوں کے دامن میں

وہ شہزادی زبانوں کی یہاں بے انجمن کیوں ہے

وطن میں بے وطن کیوں ہے

محبت کا سبھی اعلان کر جاتے ہیں محفل میں

کہ اس کے واسطے جذبہ ہے ہمدردی کا ہر دل میں

مگر حق مانگنے کے وقت یہ بیگانہ پن کیوں ہے

وطن میں بے وطن کیوں ہے

یہ دوشیزہ جو بازاروں سے اٹھلاتی گزرتی تھی

لبوں کی نازکی جس کی گلابوں سی بکھرتی تھی

جو تہذیبوں کے سر کی اوڑھنی تھی اب کفن کیوں ہے

وطن میں بے وطن کیوں ہے

محبت کا اگر دعویٰ ہے تو اس کو بچاؤ تم

جو وعدہ کل کیا تھا آج وہ وعدہ نبھاؤ تم

اگر تم رام ہو تو پھر یہ راون کا چلن کیوں ہے

وطن میں بے وطن کیوں ہے